Gjatë podcastit “Shëndeti në rend të parë”, të mbështetur nga United Hospital, onkologu Ilir Kurtishi ka folur për rëndësinë e testeve gjenetike në parandalimin e sëmundjeve malinje, veçanërisht atyre që prekin gratë, si kanceri i gjirit dhe i vezoreve.
Sipas Kurtishit, studimet kanë treguar se nuk ka përfitime të mëdha nga kontrollimet rutinë te femrat nën moshën 40-vjeçare, nëse ato nuk kanë histori familjare të sëmundjeve malinje dhe nuk janë bartëse të gjeneve BRCA.
“Nga studimet e bëra, është parë që nuk ka ndonjë benefit në gjetjen e ndryshimeve te femrat nën moshën 40 vjeç ose të themi se sëmundjet janë më të shpeshta pas moshës 40 vjeçare, tek ato të cilët nuk kanë anamnezë familjare pozitive dhe te ato të cilët nuk janë bartës të disa gjeneve që quhen BRCA test, BRCA gjenet. Dhe sot gëzojmë metoda gjenetike, pra BRCA screening, një test i cili mund të bëhet te disa femra të cilët kanë anëtarë të familjes me të sëmurë, me sëmundje malinje dhe ne të parashikojmë se çfarë mund të ndodhë me gjirin e tyre dhe me vezoret, nëse këto gjene janë të pranishme dhe pastaj të udhëzojmë të marrin masat adekuate që këtë problematikë të prevenojmë”, ka thënë Kurtishi.
Për më shumë shikoni podcastin e plotë “Shëndeti në rend të parë”:
– YouTube www.youtube.com